الاستدعاء وعيوب الصناعة

 

مشاكل عيوب الصناعه والضمان واللي عمرها ماهاتخلص لان ده وضع طبيعي انه يكون هناك نسبة خطأ في المنتج الصنع او في مواصفاته الفنيه او ملائمته لظروف العمل في بيئه معينه وعلي اساس هذا وجد الضمان ذد عيوب الصناعة .

في الصور هاتلاقي استداعاءت لمشاكل في عربيات فارهه وسبور من فئات غاليه و من شركات كبيره ذات ثقه واعتماديه

بمعني هانلاقي استداعاءات من مرسيدس وجييب وتسلا و فورد وشيفروليه وتويوتا لمشاكل كبيره توصل لحريق العربيه وحاجات خاصه بالايرباج و الفرامل ومشاكل في انظمة مانع السرقه وخورة ان العربيه تتسرق فعلا لمشاكل بسيه خاصه بتهنيج الشاشه والكاميرا الخلفيه

لا وتخيلوا كده ان في دراسات وتحقيقات اتعملت لنكتشف من خلالها ان في شركات بتأخر الاعلان عن الاستداعاءات والمشاكل لحد ماتلاقي اكتر من شركه عملوا استداعاءات ورا بعض فتنزل وسط زحمة وموسم الاستداعاءات وبالتالي مشكلتهم لاتكون محل اهتمام وتركيز الانظار علي مشكلتهم فقط ,,

علي عكس لو بلغوا ونشروا عن المشكله والاستداعاء في توقيت مافيش حد عامل استداعاءات غيرهم فيحصل رد فعل عكسي والعميل يخاف من الماركه والعلامه وده بيحصل كتير ومن الامثله عندنا ف مصر مشكلى الفتيس CVT  والدويل كلاتش ومشكلة الفتيس والفرامل في التويوتا

وحاليا  يتم مناقشة قانون الابلاغ عن تاريخ اكتشاف العطل علشان يجبروا الشركات علي عدم التاخير في استدعاء السيارات اول مايكتشفوا العطل علشان يقللوا التلاعب في تاخير الاستدعاءات  تخيل ده اللي بيحصل من الشركات الام والمصنعين نفسهم والتلاعب اللي احيانا بيكون علي حساب ارواح ناس في مقابل حماية العلامه والحفاظ عل سمعته فتخيل بقي الوكلاء المحليين ممكن يعملوا ايه

ولذلك ائما نؤكد على ان كل العربيات يوجد بها عيوب صناعه ولكن المهم هو سياسة وشروط الضمان و سلوك الوكيل في تنفيذها وتوافر قطع الغيار وسرعة انجاز المشكلة