سيارة العام في امريكا الشمالية
تم اعلان الفائزين بلقب سيارة العام CAR OF THE YEAR ,,, وشاحنة العام TRUCK OF THE YEAR ,,, والسياره الرياضيه متعددة الاستخدامات للعام SUV OF THE YEAR في امريكا الشماليه لعام 2021
والنتيجه كانت كالاتي
جائزة سيارة العام 2021 في امريكا الشماليه من نصيب العملاق الكوري هيونداي عن طراز النترا CN7 ELANTRA
جائزة شاحنة العام 2021 في امريكا الشماليه من نصيب العضلات الامريكيه وفورد عن طراز F-150
جائزة السياره الرياضيه متعددة الاستخدامات الافضل لعام 2021 في امريكا الشماليه من نصيب العضلات الامريكيه وفورد عن طراز Mustang Mach E
طبعا واضح ان الصراع مازال قائم لكن بعيدا عن اية تفاصيل , هل تلاحظون ان العمالقه الكوريين مش بيهزروا وعارفيين هم بيعملوا ايه كويس وماشيين علي خطوات ثابته والدليل علي كده اما يبقي جايزه زي دي ومعرووف انها من الاصعب والتصفيات مش سهله يعني الصناع الكوريين بينافسوا وسط ناس اساتذه وقدام وخبره مش مصانع لسه ناشئه لا ,, طيب تعالوا نراجع اخر 3 سنين كده هانعرف الكوري رايح فين .
- سنة 2021 كوريا و هيونداي حصدوا جائزة السياره الافضل لامريكا الشماليه عن طراز النترا CN7 ELANTRA
- سنة 2020 كوريا و كيــا حصدوا جائزة السياره الرياضيه المتعددة الاستخدامات الافضل لامريكا الشماليه عن طراز تيلورايد Telluride
- سنة 2019 كوريا وجينيسيس حصدوا جائزة السياره الافضل لامركيا الشماليه عن طراز G70
- سنة 2019 كوريا وهيونداي حصدوا جائزة السيارة الرياضيه المتعددة الاستخدامات الافضل لامريكا الشماليه عن طراز كونا Hyundai Kona/Kona EV
